"Rusiya ilə oyunun əvvəli şahmat idi, aşkar boşluqlar yox idi, heç kim qol buraxmaq istəmirdi". Sportnet.az-ın məlumatına görə, bu fikirləri Slovakiya millisinin baş məşqçisi Yan Kozak deyib.
Onun sözlərinə görə, AVRO-2016-da ilk qələbələrini qazandıqları Rusiya ilə matçda (2:1) qollar vurmaqla işlərini asanlaşdırıblar: "Vaysssla Hamşik qol vurandan sonra bizə asan oldu. Fasilədə paltardəyişmə otağında dedik ki, biz yalnız 2:0 irəlidəyik, hələ heç nə həll olunmayıb. Biz fasilədən sonra da oyuna nəzarət etməyə çalışdıq. Ancaq sonda yorğunluq öz sözünü dedi. Son dəqiqələr çox uzun idi".
