AVRO-2016-da dəqiq yerinə yetirilməyən ilk penalti olub. Sportnet.az-ın məlumatına görə, buna dünyanın ən yaxşı futbolçularından olan Kriştianu Ronaldu imza atıb.
"Qızıl top" mükafatını 3 dəfə qazanan portuqaliyalı hücumçu Avstriya yığması ilə hazırda davam edən matçda özü qazandığı penaltini qola çevirə bilməyib. Portuqaliya yığmasının kapitanının sevinməsinə dirək imkan verməyib. Özü də bu, Ronaldunun millidə oyun sayında rekord müəyyənləşdirdiyi matça təsadüf edib. O, az sonra başla qol vursa da, bu, ofsayddan olduğundan sayılmayıb.
Qeyd edək ki, final mərhələsində daha öncə təyin olunan 4 penaltinin hamısı qolla nəticələnib.
