Avropa Liqasında "Kəpəz"in rəqibi olan "Daçiya" Rusiya Premyer Liqa təmsilçisi ilə qüvvəsini sınayacaq. Sportnet.az-ın məlumatına görə, Kişinyov təmsilçisi Krasnodarın "Kuban" klubu ilə yoxlama oyunu keçirəcək. Bu matç iyulun 23-də Tiraspolda olacaq. Bu şəhərə təlim-məşq toplanışına gələn "Kuban" yerli klublarla sınaq matçları keçirir.
"Daçiya" bundan öncə isə "Zarya" ilə görüşəcək. Beltsı təmsilçisi Moldovanın Avropa Liqasının təmsilçilərindən biridir. Həmin oyun bu gün keçirilir.
Xatırladaq ki, "Daçiya"nın "Kəpəz"lə ilk matçı iyunun 28-də səfərdə, Bakıda "Dalğa Arena"da olacaq.
