İspaniyanın "Barselona" klubunun argentinalı futbolçusu Lionel Messi və onun atası Xorxe Messi barəsində 21 ay müddətinə azadlıqda məhrum edilib. Sportnet.az-ın "Marca"ya istinadən verdiyi məlumata görə, bu barədə Barselona məhkəməsi qərar çıxarıb.
Futbolçu və onun meneceri olan atası 2013-cü ilin yayından İspaniyada vergidən yayınma maddəsi ilə ittiham olunub. Adları çəkilən hər iki şəxsin 2007-2009-cu illərdə vergi sənədlərini saxtalaşdırmaqla İspaniya büdcəsinə 4.1 milyon avro ziyan vurduu bildirilib.
Ancaq İspaniya qanunlarına əsasən cəza 24 aydan az olarsa, şəxslər dəmir barmaqlıqlar arxasında qalmayacaqlar. Məhkəmənin qərarına əsasən Messi 2 milyon avro, atası isə 1.5 milyon avro cərimələnib.
