Ukraynanın "Zarya" klubu Avropa Liqasından çıxarılmaq təhlükəsi ilə üzləşib. Sportnet.azın məlumatına görə, Luqa təmsilçisi turnirdə oyunlarını "Olimpiyski" stadionunda keçirməklə bağlı açıq məktubla çıxış edib.
Bu da onunla bağlıdır ki, Kiyev "Dinamo"su həmin arenada Çempionlar Liqasının qrup matçlarını keçirməkdən imtina edib. Klub rəhbərliyi bunu qazonun yüklənərək daha da pis vəziyyətə düşməsinin qarşısını almaq üçün edib.
"Zarya"nın ev oyularını keçirdiyi Zaporojyedəki stadionu isə UEFA çatışmazlıqlarla əlaqədar qəbul etməyib. "Dinamo" qərarını dəyişməzsə, "Zarya" Avropa Liqasından çıxarılacaq.
Xatırladaq ki, çempionatda son mövsümdə 4-cü yeri tutan Luqansk klubu 3-cü pillənin sahibi "Dnepr" maddi problemlərə görə avrokuboklardan çıxarıldığından onu əvəzləyib. "Zarya"nın baş məşqçisi "Qəbələ"nin müdafiəçisi Vitali Vernidubun atası Yuri Vernidubdur.
