"Qəbələ" və "Neftçi" arasında mayın 22-də keçiriləcək Azərbaycan Kubokunun final matçından öncə mətbuat konfransı keçiriləcək. Sportnet.az-ın PFL-in rəsmi saytına istinadən məlumatına görə, jurnalistlərlə görüş mayın 21-də komandaların son məşqi öncəsi baş tutacaq.
Əvvəlcə saat 17:30-da "Neftçi"nin baş məşqçisi Böyükağa Hacıyev media önünə çıxacaq. Bundan yarım saat sonra "ağ-qaralar"ın məşqi olacaq. "Qəbələ"nin baş məşqçisi Yuri Syominin iştirakı ilə mətbuat konfransı isə saat 18:30-da baş tutacaq. Yarım saat sonra isə "Qəbələ"nin oyunöncəsi məşqi nəzərdə tutulub.
Qeyd edək ki, final matçı saat 20:00-da başlanacaq.
