"Zirə” Türkiyənin Bolu şəhərində təlim-məşq toplanışını davam etdirir. Spornet.az-ın klubun rəsmi saytına istinadən məlumatına görə, ötən gün komandaya istirahət verən baş məşqçi Adil Şükürov ilk yoxlama oyunu öncəsi futbolçuları bir məşqə çıxarıb.
"Qartallar” əsasən taktiki planda çalışıblar. İsinmə hərəkətlərini də bu yöndə quran məşqçilər heyəti ardınca mövqelər üzrə tapşırıqlar veriblər. Əsas məqsəd komandaya müdafiə və hücumda necə oynamalı olmasını aşılamaq idi.
"Zirə” sabah Türkiyə toplanışı çərçivəsində ilk yoxlama oyununu keçirəcək. Komanda Bakı vaxtı ilə saat 18:00-da başlayacaq oyunda "Qaziantəp BB” ilə üz-üzə gələcək.
