Avropa Liqasının III təsnifat mərhələsi çərçivəsində CBC Sport-la canlı yayımlanan "Lill" - "Qəbələ" oyunu sonadək göstərilməyib. Sportnet.az-ın məlumatına görə, telekanal rəsmi saytına bununla bağlı bəyanat yayıb: "Hörmətli, CBC Sport tamaşaçıları, bizdən asılı olmayan səbəblərə görə "Lill" - "Qəbələ" oyununun yayımı 86-cı dəqiqədə dayandı. Fransalı həmkarlarımızın Lill şəhərindən ötürdüyü siqnalda texniki problemlər yarandığı üçün matçı sonadək təqdim edə bilmədik. Buna görə, sizdən üzr istəyirik. Ancaq Fransa tərəfi ilə danışıqlardan sonra sabah bütünlükdə oyunun yayımını təqdim etməyə çalışacağıq.
Xatırladaq ki, matç 1:1 hesabı ilə heç-heçə başa çatdı. Komandamıza cavab görüşündə uğurlar arzu edirik".
