İmişlinin "MKT-Araz" klubunun moldovalı sabiq futbolçusu Marçel Reşikta özünə yeni klub tapıb. Sportnet.az-ın məlumatına görə, keçmiş hücumçu vətənində "Sperantsa" klubunun məşqçilər korpusunda yer alıb. O, bu gün çempionatın 2-ci turunda "Ungen"lə matçda komandaya rəhbərlik edib.
Reşitka baş məşqçi Kristos Efrosun köməkçisi təyin olunub. Efros milli çempionatda 2 oyunluq cəzalı olduğuna görə "texniki zona"da yer ala bilməyəcək.
Reşitka bundan öncə "Tiraspol"da baş məşqçinin köməkçisi olub. O, 2006/07 mövsümündə məhz bu komanda ilə İntertoto kuboku matçında vurduğu qolla "MKT-Araz"a 1:0 hesablı qələbə qazandırıb. Bu, artıq tarixin yaddaşına köçən İmişli klubunun avrokuboklarda ilk və yeganə qələbəsi, Reşiktanın Azərbaycanda rəsmi debütü olub. "Tiraspol" evdəki cavab matçında 2:0 hesablı qələbə qazanaraq mərhələ adlayıb.
