"Qalatasaray”ın "Atletiko Madrid” ilə oynayacağı yoldaşlıq görüşü ləğv olunub. Sportnet.az-ın məlumatına görə, avqustun 6-na planlaşdırılan qarşılaşma baş tutmayıb.
Belə ki, "sarı-qırmızılı” klubun rəhbərliyinin bütün təhlükəsizlik tədbirlərini həyata keçirməsinə baxmayaraq ispanlar İstanbula gəlməyəcəklərini açıqlayıblar.
Matçın keçirilməsinə az bir vaxt qalmış belə bir hadisənin baş verməsindən sonra "Qalatasaray” rəhbərliyi yoldaşlıq görüşü üçün başqa komanda axtarmağa başlayıb.
"Qalatasaray”ın rəsmi saytından yayımlanan açıqlamada deyilir: " Avqustun 6-da keçirilməli olan Qalatasaray-Atletiko Madrid matçı ispanların tələbinə görə ləğv olunmuşdur. Ölkədə baş vermiş son hadisələr əsas tutularaq, başqa bir tarixdə yoldaşlıq görüşü keçirilməsi istənmişdir”.
