Avropa Liqasının III təsnifat mərhələsində "Qəbələ" və Fransanın "Lill" komandaları arasında Bakıda keçiriləcək oyuna təxminən 3500 bilet satılıb. Bu barədə Sportnet.az-a klubdan məlumat verilib.
Oyun vaxtına - avqustun 4-dək bütün biletlərin satılacağı gözlənilir. Satışa təxminən 8 500 bilet çaxırılıb. Biletləri matçın keçiriləcəyi "Bakcell Arena" və Tofiq Bəhramov adına Respublika Stadionunun kassalarından əldə etmək mümkündür.
Qiymətlər sektorlardan asılı olaraq, 1 manat və 2 manat, VİP sektorlar üçün isə 10 manatdır.
Qeyd edək ki, avqustun 4-də "Bakcell Arena"da keçiriləcək "Qəbələ" – "Lill” qarşılaşması saat 21:00-da başlayacaq.
