"Bu, ən vacib qolumdur. Çox sevinirəm ki, mərhələ adladıq". Sportnet.az-ın məlumatına görə, bunu "Qəbələ"nin Fransa "Lill"i ilə Avropa Liqasının III təsnifat mərhələsinin cavab görüşündəki qələbə topunun müəllifi Filip Ozobiç CBC Sport-a deyib.
Xorvatiyalı yarımmüdafiəçi bildirib ki, ən əsas məsələ komandasının mərhələ keçməsidir: "Zərbəni vurarkən, topun qapıya daxil olduğunu dərhal gördüm. Futbolçularımızın əzmkarlığını da qeyd edərdim. Məqsədimiz qrup mərhələsinə yüksəlməkdir. Bir-birimizlə daha çox birgə oynasaq, çox yaxşı olacaq".
