Türkiyənin "Qalatasaray" klubu Almaniya "Herta"sının futbolçusu Tolqa Cığercini transfer edib. Sportnet.az-ın İstanbul təmsilçisinin rəsmi saytına istinadən verdiyi məlumata görə, bu keçiddən ötrü "Herta"ya 3 milyon avro ödəniləcək.
24 yaşlı yarımmüdafiəçi qarşıdakı 3 mövsüm ərzində hər il 2 milyon avro qazanacaq. Bundan başqa Ciğerci "sarı-qırmızılar"ın Super Liqa və avrokuboklarda toplayacağı hər bir xal üçün 5000 avro mükafat qazanacaq. Mükafat start heyətində yer alacağı təqdirdə 100 faiz, sonradan oyuna girərsə, 50 faiz, "18-liy"ə düşüb meydana çıxmayacağı halda, 25 faiz ödəniləcək.
"Qalatasaray" çempion olsa, xal mükafatının 20 faizi də Ciğerciyə çatacaq. Müqaviləni pozmaq üçün isə futbolçuya 8 milyon avro təzminat ödənilməlidir.
