Bu gün Çempionlar Liqasında "pley-off" mərhələsinin ilk oyunlarına yekun vurulub. Sportnet.az-ın məlumatına görə, ikinci oyun günündə 5 qarşılaşma baş tutub.
"Qarabağ"ı qitənin ən nüfuzlu klub turnirindən kənarlaşdıran Çexiya "Viktoriya"sı Bolqarıstanda "Ludoqorets"un qonağı olub. Plzen təmsilçisi ikinci hissəsin əvvəlində buraxdığı 2 qolla uduzub və qrupa düşmək işini çətinləşdirib.
Gecənin maraqlı görüşü Portuqaliyada baş tutub. "Portu" İtaliyanın "Roma" klubu ilə 1:1 hesablı bərabərə qalıb. "Fənərbağça"nı mübarizədən kənarlaşdıran "Monako"nun "Vilyarreal"la səfər matçı da maraqlı və gərgin alınıb. Fransızlar qzaandıqları 2:1 hesablı qələbə ilə qrupa düşmək şansını artırıblar.
Günün ən məhsuldar oyunu isə Şotlandiyada olub. "Seltik- "Hapoel" matçında 7 qol və meydan sahiblərinin böyükhesablı qələbəsi qeydə alınıb. "Legiya" səfərdə "Dandalk"ı 2 cavabsız qolla məğlub etməklə cütün taleyini demək olar həll edib.
Çempionlar Liqası, "pley-off" mərhələsi
17 avqust
22:45. "Seltik" (Şotlandiya) - "Hapoel" (Beyer-Şeva, İsrail) - 5:2
Qollar: Tom Roqiç, 9, Leqyh Qriffiz, 39, 45+1, Mussa Dembele, 75, Skott Braun, 85 - Lusio Maranhao, 55, Maor Melikson, 57
22:45. "Dandalk" (İrlandiya) - "Legiya" (Polşa) - 0:2
Qollar: Nemanya Nikoliç, 56, Aleksandar Prijoviç, 90+4
22:45. "Porto" (Portuqaliya) - "Roma" (İtaliya) - 1:1
Qollar: Joze Sa, 60-pen - Felipe, 21 (avtoqol)
Qırmızı vərəqə: Tomas Vermalen, 41 (ikinci sarı)
22:45. "Ludoqorets" (Bolqarıstan) - "Viktoriya" (Çexiya) - 2:0
Qollar: Kosmin Moti, 51, Vura, 64
22:45. "Vilyarreal" (İspaniya) - "Monako" (Fransa) - 1:2
Qollar: Pato, 36 - Fabinyo, 3-pen, Bernardo Silva, 72
Qırmızı vərəqə: Benjamin Mendi, 89 (ikinci sarı)
İlk oyun günündə qeydə alınan nəticələr:
16 avqust
22:45. "Ayaks" (Hollandiya) - "Rostov" (Rusiya) - 1:1
Qollar: Devi Klassen, 37 (P) - Kristina Noboa, 13
22:45. "Dinamo" (Xorvatiya) - "Zalsburq" (Avstriya) - 1:1
Qollar: Marko Roq, 76 - Valentino Lazaro, 59
22:45. "Kopenhagen" (Danimarka) - APOEL (Kipr) - 1:0
Qol: Andrija Pavloviç, 43
22:45. "Styaua" (Rumıniya) - "Mançester Siti" (İngiltərə) - 0:5
Qollar: David Silva, 14, Serrixo Auqero, 41. 78. 89, Duran Nolito, 49
22:45. "Yanq Boyz" (İsveçrə) - "Borussiya" (M. Almaniya) - 1:3
Qollar: Miralem Suleyani, 56 - Rafael, 11, Andre Hahn, 67, Alan Roçat, 69 (avtoqol)
Qeyd edək ki, cavab görüşləri 23-24 avqustda keçiriləcək.
