"Məşq edirik. Bu oyun bizim üçün çox önəmlidir. Əlimizdə gələni edəcəyik ki, nəticə qazanaq". Sportnet.az-ın məlumatına görə, bunu Sloveniyanın "Maribor" klubunun futbolçusu Rodrige Defendi Avropa Liqasının "pley-off" mərhələsində "Qəbələ" ilə keçiriləcək oyundan öncə baş tutmuş mətbuat konfransında deyib.
R.Defendi paytaxtda olan isti hava şəraitindən danışıb: "İnanmıram ki, Bakıda olan isti hava bizə təsir edəcək. Sadəcə çıxıb oyunumuzu nümayiş etdirəcəyik.Avropa Liqasında asan oyun yoxdur. Sabah da belə olacaq. Yüksək səviyyəli turnirdə çıxış edirik və yaxşı oyun göstərməliyik. Rəqibi izləmişik və fərqli komandadır. Onlara qarşı hazırlıqlı olmalıyıq."
Müdafiəçi avtomobil qəzasında həlak olan komandanın iki üzvünü də yad edib: "Avtomobil qəzasında həlak olanlar dostlarımız idi. onlar üçün darıxırıq. Amma işimiz oynamaq, davam etməkdir".
Qeyd edək ki, avqustun 18-də "Dalğa Arena"da keçiriləcək "Qəbələ" - "Maribor" matçı saat 21:00-da başlayacaq.
