Hollandiya toplanışını yekunlaşdıran "Qəbələ"nin futbolçusu Cavid Hüseynov hazırlıq prosesi barədə fikirlərini klubun rəsmi saytı ilə bölüşüb. Sportnet.az-ın məlumaıtna görə, "qırmızı-qaralar"ın yeni transferi "Qəbələ"ni hədəflərinə çatdıracaqlarını bildirib.
Hüseynov yeni komandasına tez uyğunlaşdığını deyib: "Hazırlıq prosesimiz yüksək səviyyədə keçdi. Deyərdim ki, komanda həm fiziki, həm taktiki, həm də psixoloji cəhətdən hazır duruma gəldi. Gündəlik iki məşq etdik və güclü rəqiblərlə qarşılaşdıq. Yorğunluğumuz olsa da, məsuliyyətimizi dərk edərək məşqlərdə səylə çalışdıq. Bunun da faydasını çempionatda görəcəyik. Heyətdə yeni olsam da, komandaya tez uyğunlaşdım. İnanıram ki, gücümüzü birləşdirib "Qəbələ"ni hədəflərinə çatdıracağıq".
