Avropa Liqasının "pley-off" mərhələsinin cavab oyununda "Qarabağ" və İsveçin "Göteborq" komandaları arasında keçiriləcək matçın hakim təyinatları açıqlanıb. Sportnet.az-ın məlumatına görə, qarşılaşma Rusiyadan olan hakimlərə həvalə olunub.
Oyunu Vladislav Bezborodov idarə edəcək. Matçın yan xətt hakimləri Valeriy Dançenko və Maksim Qavrilin olacaq. Dördüncü hakim funksiyasının Kirill Levnikov yerinə yetirəcək.
Maykl Tomas Ross hakim-inspektor, belçikalı Conu Vanspauven isə UEFA nümayəndəsidir.
Qeyd edək ki, avqustun 25-də Tofiq Bəhramov adına Respublika Stadionunda keçiriləcək qarşılaşma saat 20:30-da başlayacaq.
