Türkiyənin "Beşiktaş" klubunun yeni transferi Anderson Taliska artıq İstanbuldadır. Sportnet.az-ın məlumatına görə, 22 yaşlı futbolçu gecə saatlarında Türkiyəyə çatıb.
Bu gün isə tibbi müayinədən keçəcək yarımmüdafiəçi ilə gün ərzində rəsmi müqavilənin imzalanacağı gözlənilir. Sonuncu klubu Portuqaliya "Benfika"sı olan Taliska "ağ-qaralar"da icarə əsasında çıxış edəcək. Futbolçunun tam hüquqlu transferi 25 milyon avrodur.
Qeyd edək ki, futbolçu İngiltərənin "Liverpul" və "Vulverhempton" klublarının da gündəmində idi.
