DÇ-2018-in seçmə qrup mərhələsinin ilk oyununda Azərbaycan millisi San Marinonun qonağı olacaq. Sportnet.az-ın məlumatına görə, FİFA-nın rəsmi saytında istifadəçilər millimizi favorit sayıb.
Müxtəlif ölkələrin azarkeşləri tərəfindən yazılan şərhlərin əksəriyyətində Robert Prosineçkinin rəhbərlik etdiyi komandanın qələbə qazanacağı göstərilib. Yalnız iki azarkeş meydan sahiblərini üstün sayıb. Polşalı futbol azarkeşi isə millimizin 5:1 hesablı qələbə qazanacağını düşündüyünü bildirib.
Qeyd edək ki, sentyabrın 4-də keçiriləcək San Marino - Azərbaycan oyunu Bakı vaxtı ilə saat 21:00-da başlayacaq.
