Türkiyə çempionu "Beşiktaş" transfer mövsümünün bağlanmasına az bir vaxt qalmış növbəti transferlərini həyata keçirib. Sportnet.az-ın məlumatına görə, "qara qartallar" 3 futbolçu ilə müqavilə imzalayıb.
Belə ki, İstanbul klubu 6 milyon avroya "Leypsiq"ə satdığı Atınç Nukanı 1 illik icarəyə götürüb.
Ötən mövsümün sonunda "Fənərbağça"dan ayrılıb "İnter"ə yollanan Caner Erkinin İtaliya karyerası çox çəkməyib. Milan klubunun yeni baş məşqçisi Frank De Burun planlarına daxil olmayan müdafiəçi də icarə əsasında "Beşiktaş"da forma geyinəcək.
Son mövsüm "Lester"lə İngiltərə çempionu olan, lakin heç cür əsas heyətə düşə bilməyən Gökhan İnler də "Beşiktaş"ın şərəfini qoruyacaq. İsveçrəli futbolçu ilə 3 illik müqavilə imzalanıb.
