Norveç milli komandası Azərbaycan yığması ilə 2018-ci il dünya çempionatının seçmə qrup matçını keçirəcəyi Bakı Olimpiya Stadionunun ot örtüyünün durumundan narazı qalıb.
Sportnet.az-ın məlumatına görə, bu barədə qonaq komandanın baş məşqçisi Per-Matias Höqmo Norveç Futbol Federasiyasının rəsmi saytına açıqlamasında bildirib.
O deyib ki, kövrək ot örtüyündə çox böyük yarıqlar var. Höqmonun fikrincə, meydanda hərəkət etdikcə, qazondakı problemlər özünü daha qabarıq şəkildə büruzə verir. Təcrübəli mütəxəssis belə örtükdə zədələnməmək üçün oyunçularına lazımi təlimatların verildiyini əlavə edib.
Qeyd edək ki, ötən gün FİFA nümayəndəsinin tələbinə əsasən, Azərbaycan millisi Bakı Olimpiya Stadionunun əsas meydanında məşq edə bilməyib. Həmin ot örtüyü yalnız norveçli futbolçuların ixtiyarına verilib.
