Futbol üzrə Ermənistan yığmasına yeni baş məşqçi təyin olunub. Sportnet.az-ın məlumatına görə, bu, İsveçrənin "Sürix" klubunun gənclərdən ibarət komandasının baş mşqçisi Artur Petrosyandır.
45 yaşlı baş məşqçi noyabrın 1-dən vəzifəsinin icrasına başlayacaq. O, yığmanın baş məşqçisi postunda Varujan Sukiasyanı əvəzləyəcək.
Qeyd edək ki, Petrosyan baş məşqçi karyerası ərzində yalnız "Sürix"də çalışıb. O, AVRO-2016-nın seçmə qrup mərhələsində Ermənistanın baş məşqçisi olan isveçrəli Bernar Şallandın məşqçilər korpusunda yer alıb.
