"Qəbələ"nin Avropa Liqaısnın qrup mərhələsinin qarşıdakı turunda qəbul edəcəyi "Sent-Etyen" klubu Fransa çempionatında növbəti qələbəsini qazanıb. Sportnet.az-ın məlumatına görə, "qırmızı-qaralar"ın rəqibi bu gün X turda "Kan"ı onun meydanında 2:0 hesabı ilə yenib.
"Sent-Etyen" ikinci hissənin əvvəlində 10 dəqiqəyə (49 və 59-cu dəqiqələrdə) 2 qol vuraraq matçın taleyini həll edib. Qolların müəllifləri seneqallı müdafiəçi Çeyk M Bengue ilə yarımmüdafiəçi Loik Perrin olub. "Sent-Etyen" 16 xalla turnir cədvəlində 7-ci pilləyə yüksəlib.
