Bu gün 17 yaşadək futbolçulardan ibarət Azərbaycan yığması 2017-ci ildə Xorvatiyada keçiriləcək Avropa çempionatının seçmə mərhələsində ilk oyununa çıxıb. Sportnet.az-ın məlumatına görə, rəqib İngiltərə yığması olub.
Vüqar Məmmədin yetirmələri yer aldığımız VI qrupun oyunlarının keçirildiyi Rumıniyada mübarizəyə məğlubiyyətlə başlayıb. İngilislər matçın əvvəlində 7 dəqiqəyə vurduğu 2 qolla qələbəi təmin ediblər.
Bu qrupda Azərbaycan, İngiltərə ilə yanaşı, Rumıniya və Avstriya yığması da yer alıb. Millimiz oktyabrın 27-də Avstriya, 30-da isə ev sahibi Rumıniya ilıə qarşılaşacaq. Elit mərhələyə vəsiqə qazanmaq istəyən yığma ya qrupda ilk iki pillədən birini tutmalı, ya da üçüncü yerdə qərarlaşan ən yaxşı 5 komandalardan biri olmalıdır.
Artıq Rusiya, İrlandiya, Fransa, Hollandiya, Macarıstan, İsveç, Finlandiya, İspaniya, Slovakiya, Şotlandiya, Portuqaliya, Türkiyə və Norveç yığmaları elit mərhələyə vəsiqəni təmin edib.
Avropa çempionatı, seçmə mərhələ, VI qrup
20:00. İngiltərə - Azərbaycan - 2:0
Qollar: Angel Gomes, 16, Jadon Sanço, 23
Baş hakim: Fyodor Zammet (Malta)
Yan xətt hakimləri: Luke Portelli (Malta), Daniel Mitruti (Rumıniya)
Dördüncü hakim: Katalin Qaman (Rumıniya)
Buftea. RFR-in futbol mərkəzi
