"Qarabağ"ın Avropa Liqasında bir qrupda mübarizə apardığı İtaliyanın "Fiorentina" klubunun A seriyasında bugünkü oyunu yarımçıq dayandırılıb. Sportnet.az-ın məlumatına görə, buna səbəb Florensiya təmsilçisinin X turda "Krotone" ilə ev matçında baş verən leysan olub.
Yağan güclü yağış komandalara meydanda mübarizəni davam etdirməyə imkan verməyib. Nəticədə baş hakim ilk hissənin uzatma dəqiqəsində futbolçuları tribuna altında olan məkana aparıb. Həmin anda "Fiorentina" 24-cü dəqiqədə buraxdığı qolla hesabda 0:1 geridə olub.
Ancaq oyunu davam etdirmək mümkün olub və meydan sahibləri yalnız son 5 dəqiqə qalmış müdafiəçisi David Astorinin vurduğu qolla məğlubiyyətdən xilas ola bilib - 1:1.
Hər halda, "Fiorentina" son pillənin sahibi, qələbə üzünə həsrət autsayderlə ev oyununda vacib 2 xal itirib. Florensiya təmsilçisi 9 matçdan 13 xalla 11-ci pillədə gedir.
