PAOK Avropa Liqasının qrup mərhələsinin qarşıdakı turunda "Qarabağ"la ev oyununun biletlərin satışına bu gündən başlayıb. Sportnet.az-ın məlumatına görə, biletlərin ilk 3 gündə yerli vaxtla 09:00-17:00 aralığında satışda olması nzəərdə tutulub. Matç günü - noyabrın 3-də isə səhər 9-dən başlayacaq satış oyun saatınadək davam edəcək.
Biletlərin qiyməti sektorlardan asılı olaraq dəyişir. Ən ucuz bilet 10 avrodur. Ən bahalı biletlər isə VİP lojayadır ki, onların dəyəri 100 avrodur.
Qeyd edək ki, PAOK - "Qarabağ" matçı noyabrın 3-də yerli vaxtla 22:05-də (Bakı vaxtiə saat 00:05-də) başlayacaq.
