Avropa Liqasının qrup mərhələsinin IV turunda "Qəbələ"nin qonağı olacaq Fransa "Sent-Etyen"inin futbolçusu zədəsini sağaldıb. Sportnet.az-ın məlumatına görə, bir müddətdir zədəli olan Anri Seve artıq komanda ilə oyun keçirib.
O, ölkə çempionatının 11-ci turunda "Monako" ilə ev oyununda (1:0) meydanda olub. 26 yaşlı yarımmüdafiəçi 85 dəqiqə komandasının qələbəsinə çalışıb. Oyunun sonuna 5 dəqiqə qalmış yerini Bryan Daboya verib. Futbolçunun Bakıdakı oyunda da meydana çıxacağı gözlənilir.
Qeyd edək ki, noyabrın 3-də "Bakcell Arena"da keçiriləcək "Qəbələ" - "Sent-Etyen" oyunu saat 22:00-da başlayacaq.
