"Neftçi”nin futbolçusu Jonas Pessalli Azərbaycan Premyer Liqasında "İnter” üzərində bugünkü qələbədən sonra fikirlərini açıqlayıb.
Sportnet.az-ın məlumatına görə, 2:1 hesabı ilə qalib gəldikləri matçda ilk qolun müəllifi olan braziliyalı yarımmüdafiəçi "Neftçi TV"yə açıqlamasında bunları deyib:
"Nəinki bu həftə, gəldiyim gündən komanda olaraq gərgin hazırlıq keçirik. Düşünürəm ki, vacib qələbə idi. Bu, komandanın, məşqçi heyətinin və bütün kollektivin qələbəsidir. Hamını təbrik edirəm. Şadam ki, 90 dəqiqə meydanda oldum və oyunda fərqlənə bildim. İnanıram ki, növbəti oyunlarda bu mənə özünəinam baxımından kömək olacaq”.
Qeyd edək ki, çempionatın gedişində "Neftçi"yə keçən legioner qol hesabını açıb.
