Yunanıstan futbolu növbəti problemlə üzləşib. Sportnet.az-ın məlumatına görə, bütün futbol yarışları qeyri-müəyyən müddətə dayandırılıb.
Bu haqda Yunanıstan Futbol Federasiyası (YFF) qərar verib. Səbəb qurumun Hakimlər Komitəsinin sədri Giorgos Bikasın evinin yandırılmasıdır. YFF bu hadisədən sonra çıxardığı qərarla bağlı FİFA ilə UEFA-nı məlumatlandırdığını və hadisəylə bağlı cinayət işinin açıldığını bəyan edib.
Ölkədə son vaxtlar futbolun münaqişəli şəkildə idarəsi səbəbi ilə federasiya və hökümətə qarşı böyük müxalifət ordusu yaranıb.
Xatırladaq ki, Yunanıstan Superliqasında çıxış edən PAOK Avropa Liqasının qrupunda "Qarabağ"ın rəqibidir. Saloniki təmsilçisi federasiya ilə birgə çıxarılan bu qərarı təsdiqləyib.
