2014/15-ci il mövsümünün ilk turunun açılış qarşılaşmasında Zaqatalanın "Simurq" komandası "Bakı"nın qonağı olmalı idi. Sportnet.az-ın məlumatına görə, paytaxt təmsilçisininin yeni mövsüm üçün lazımı sənədləri vaxtında PFL-ə təqdim etmədiyinə görə, bu oyunu təxirə salınıb.
Bu səbəbdən Zaqatala təmsilçisi Bədən Tərbiyəsi və İdman Akademiyasının meydançasında I Divizion təmsilçisi "Şuşa" ilə yoldaşlıq görüşü keçirməli olub. Qarşılaşmada "Simurq" 3:1 hesabı ilə qələbə qzanıb. "Sarı-qaralar"ın qollarını Draqan Çeran, Stepan Polyak və yeni transfer Marko Stanoyeviç vurdu.
Bu qarşılaşmadan sonra baş məşqçi Georgi Çixradze yetirmələrinə bir günlük istirahət verıb. Avqustun 11-dən isə doğma arenada II turun hazırlıqlarına start veriləcək.
