"Kəpəz" "Neftçi" ilə oyunlarda 14 illik sindromu qırıb. Sportnet.az-ın məlumatına görə, Gəncə təmsilçisi rəqibini öz meydanında 2002-ci iıdən bu yana məğlub edə bilmirdi.
Şahin Diniyevin komandası bu həsrətə az öncə "Neftçi" üzərində 2:0 hesabı ilə qalib gəldiyi matçda son qoyub. "Kəpəz" "ağ-qaralar"ı son 8 ev oyununda yenə bilmirdi. Sonuncu qələbə 2001/02 mövsümündə - 2002-ci ilin fevralın 27-də 2:1 hesabı ilə qeydə alınmşdı. Həmin matçdan isə 5387 gün keçib.
Qeyd edək ki, "Kəpəz" cari çempionatda sonuncu qələbəsini VIII turda oktyabrın 16-də səfərdə AZAL-ı 1:0 hesabı ilə yenməklə qazanmışdı.
