"Divizion klubu olmasına baxmayaraq oyuna ciddi hazırlaşmışdıq. Əlimizə düşən imkanlardan istifadə etdik". Sportnet.az-ın məlumatına görə, bunu "Kəpəz"in futbolçusu Tural Axundov Azərbaycan Kubokunun 1/8 finalında Qusar "Şahdağ"ını 5:1 hesabı ilə yendikləri görüşdən sonra deyib.
Müdafiəçi Premyer Liqa və divizion arasında fərq olduğunu bildirib: "Qələbəyə görə komandamıza təşəkkürümü bildirirəm. Liqalarda səviyyə fərqi göz qabağındadır. Çox fərq var. Məsələn, elitada daha çox top saxlamağa üstünlük verirsənsə, aşağı dəstə komandaları topu uzaqlaşdırmağa, qabağa vurmağa çalışır".
Qeyd edək ki, "Kəpəz" 1/4 finalda Bakı "İnter"i ilə qarşılaşacaq.
