Suraxanı rayonu Əmircan qəsəbəsində baş verən qəzada övladını itirən Əbdulbağır Bağırov səbəbkar "Qarabağ"ın qapıçısı Emil Balayevdən şikayət etməyəcək. Sportnet.az-ın məlumatına görə, bu barədə xəsarət alan şəxs "Report"a açıqlamasında bildirib.
O, qəzanın necə baş verməsinin yadında olmadığını deyib: "Şokdaydım. Yaxşı ki, digər iki azyaşlı uşağım maşında olmayıb. Ölən 6 aylıq Xalid Bağırov isə sonuncu övladım idi. Qəzanı törədən sürücüdən şikayət etmədim, etməyəcəm də. Çünki hamının başına gələ biləcək işdir”.
Ə.Bağırov Azərbaycan Tibb Universitetinin Tədris Cərrahiyyə Klinikasının (ATU TCK) Travmatologiya və ortopediya şöbəsinə yerləşdirilib. Ə.Bağırovun həyat yoldaşı Günel Bağırova isə xəstəxanadan evə buraxılıb.
