"1951-ci ildə yaranan klubun davamçıları başqa komandalar olub. Biz 1987-ci ildə klubu Adil Nadirovdan təhvil almışıq. Bu səbəbdən də klubun yaranma tarixi 1987 olaraq göstərilib". Sportnet.az-ın məlumatına görə, bunu "Qarabağ" klubunun baş direktoru Əmrah Çəlikəl "İmarət" azarkeş qrupunun bugünkü tədbirində çıxışı zamanı deyib.
Ə.Çəlikəl "İmarət" azarkeşlərindən söz açıb: "İmarət"ə gəlincə, iki əvvəlki qrupla indiki arasında fərq böyükdür. Bizim "İmarət" hər yerdə bizi dəstəkləyirdi. Avropada, Azərbaycanda, toplanışlarda hər zaman bizi dəstəklərini əsirgəmirlər. Mən də öz növbədə hər cür dəstək verməyə hazıram. İnanıram ki, bu cür görüşləri Ağdam stadionunda keçirəcəyik".
