Sabah Azərbaycan Kubokunda 1/4 final mərhələsinin ilk oyunları keçiriləcək. Sportnet.az-ın məlumatına görə, turnirdə əsas mübarizə məhz bu mərhələdən başlayır. Ən azı ona görə ki, iştirakçılar yaınız Premyer Liqa təmsilçiləridir və qalib 1 yox, artıq 2 oyundan ibarət müəyyənləşəcək.
Mübarziəyə əyalətdə yeganə matçla start veriləcək. Premyer Liqanın liderlərindən olan "Qəbələ" autsayder AZAL-ı sınağa çəkəcək. Roman Qriqorçukun komandası son pillənin sahibini evdə böyük hesabla məğlub etsə (3:0) də, səfərdə gözlənilmədən xal itirib - 0:0. Bu cütdə hər komanda bir dəfə mərhələ adlayıb. Sadəcə, həmin vaxt AZAL bu adla yox, "Olimpik", "Olimpik-Şüvəlan" kimi çıxış edirdi.
Bu cütün qalibini "İnter" - "Kəpəz" duelinin güclüsü iə qarşılaşacaq. Bu komandalara arsında cari çempionatdakı oyunlarda qalib müəyyənlşməyib. Bakıdakı matç 2:2, Gəncədəki oyun 0:0 hesabı ilə nəticələnib. Ancaq kubokda qalib mütləq müəyyənləşməli olduğundan, heç-heçə olsa, penatilər seriyası təyin olunacaq.
Bu mərhələnin maraqlı qarşıdurmalarından biri "Zirə" - "Neftçi"dir. Çünki "ağ-qaralar" nəinki cari çempionatda, ümumiyyətlə, rəqibi ilə keçirdiyi 6 matçda qələbə üzünə həsrət qalıb. Zirədəki oyunlar bir qayda olaraq meydan sahiblərinin qələbəsi ilə nəticələnib.
Premyer Liqanın lideri "Qarabağ"ı "Sumqayıt"la sınaq gözləyir. Ağdam klubu rəqibi ilə hər 3 kubok matçından qalib ayrılıb. Qurban Qurbanovun komandası bu çempionatda da sumqayıtlıları hər 2 dövrədə məğlub edib .
13 dekabr (çərşənbə axşamı)
15:00. "Qəbələ” – AZAL
Hakimlər: Fariz Yusifov, Vaqif Musayev, Azər Əsgərov, Rəvan Həmzəzadə
AFFA nümayəndəsi: Vaqif Davudov
Hakim-inspektor: Asim Xudiyev
Qəbələ. Şəhər stadionu
17:00. "Zirə” – "Neftçi”
Hakimlər: Əliyar Ağayev, Rza Məmmədov, Namiq Hüseynov, Mübariz Haşımov
Əlavə köməkçi hakimlər: Ömər Paşayev, Elvin Əsgərov
AFFA nümayəndəsi: Maşallah Əhmədov
Hakim-inspektor: Xaqani Məmmədov
Bakı. Zirə İdman Kompleksinin stadionu
17:00. "İnter” - "Kəpəz”
Hakimlər: Rəhim Həsənov, Yaşar Abbasov, Nahid Əliyev, Rahil Ramazanov
Əlavə köməkçi hakimlər: Rauf Cabbarov, İnqilab Məmmədov
AFFA nümayəndəsi: Sakin Məmmədzadə
Hakim-inspektor: Məlik Həsənov
Bakı. "İnter Arena” stadionu (CBC Sport, canlı yayım)
18:00. "Qarabağ” – "Sumqayıt”
Hakimlər: Orxan Məmmədov, Elman Musayev, Knyaz Əmiraslanov, Vüsal Qənbərov
Əlavə köməkçi hakimlər: Ramil Diniyev, Ramil Əhmədov
AFFA nümayəndəsi: Ramiz Abdullayev
Hakim-inspektor: Şahin Cəfərov
Bakı. "Azərsun Arena” stadionu
Qeyd edək ki, 1/4 final mərhələsinin cavab oyunları dekabrın 21-də keçiriləcək.
