Bu gün 2017/2018-cil il mövsümü üçün U-17 və U-19 yaş qrupuna aid yığma komandalar arasında Avropa çempionatının ilkin seçmə mərhələsinin püşkatma mərasimi keçirilib. Sportnet.az-ın məlumatına görə, püşkatma mərasimi UEFA-nın İsveçrənin Nyon şəhərindəki mənzil-qərargahında keçirilib.
17 yaşadək futbolçulardan ibarət Azərbaycan yığması 11-ci qrupda yer alıb. Yığma İrlandiya, Ukrayna və Bolqarıstanla qarşılaşacaq. Oyunlar 10, 13 və 16 oktyabrında Bolqarıstanda keçiriləcək.
7-ci qrupda qərarlaşan U-19 yığmasının rəqibləri isə Serbiya, İrlandiya və Kiprdir. Bu qrupun oyunları 4, 7 və 10 oktyabrda İrlandiyada keçiriləcək
