Azərbaycan Kuboku uğrunda mübarizəni davam etdirən "Kəpəz” ilin son matçında doğma meydanda "İnter”ı qəbul edəcək. Sportnet.az-ın məlumatına görə, qarşıdakı matçla bağlı hazırlığa Bakıda başlayan "sarı-göylər” bu gün Nizami yurduna gəlib. Gəncə təmsilçisi görüş öncəsi son məşqini qarşılaşmaya ev sahibliyi edəcək şəhər stadionunda keçirib.
Təxminən 45 dəqiqə məşq edən komanda üzvləri yüngül formada hazırlaşıblar.
"İnter”ə qarşı görüşdə Azad Kərimov da "Kəpəz”ə kömək edə bilməyəcək. Gənc müdafiəçi Gəncəyə gətirilsə də, ayağında ağrılar olduğundan kubok matçını tribunadan izləməli olacaq.
