Belaruslu mütəxəssis Leonid Kuçuk Azərbaycan milli komandasının futbolçusu Pavel Paşayevin oynadığı Ukraynanın "Stal" klubunun baş məşqçi postuna namizədlərdən biridir. Sportnet.az-ın məlumatına görə, autsayderlər sırasında olan komanda əcnəbi baş məşqçisi Yakob Qalla yolarını ayırmağı düşünür.
Düzdür, onun istefası ilə bağlı artıq xəbər yayılsa da, klub prezidenti bunu sonradan təkzib edib. Hər halda, yeni baş məşqçi təyinatı gözlənilir.
Kuçuk Belarus milli komandasının baş məşqçisi postuna da namizədlərdən sayılır. O, daha öncə Ukraynada işləyib. Bu, 2011-12-ci illərdə rəhbərlik etdiyi Kiyevin "Arsenal" klubu olub. 57 yaşlı mütəxəssis daha sonra Rusiyada - "Lokomotiv" və "Kuban"da işləyib və sonunculardan 2015-ci ildə gedib.
