Bu gün AFFA-nın Məşqçilər Komitəsinin üzvləri - Vaqif Sadıqov, Ağasəlim Mircavadov və Şakir Qəribov "Sumqayıt” klubunun qonağı olub. Sportnet.az-ın məlumatına görə, görüşdə klubun prezidenti Kamran Quliyev, baş menecer Ceyhun Sultanov, əsas komandanın baş məşqçisi Samir Abasov, akademiyanın koordinatorları Vaqif Paşayev, Baba Əsgərov və Sabir Əliyev iştirak edib.
V.Sadıqovun sədri olduğu komitə üzvləri əsasən uşaq futbolunun inkişaf yolunda təklif və tövsiyyələrini verib. Qonaqlar daha sonra akademiyanın məşq prosesini izləyib.
