Azərbaycan milli komandasının futbolçusu Emin Mahmudov Portuqaliyada qol hesabını açmasının sevincini yaşayır. Sportnet.az-ın məlumatına görə, "Boavişta"nın 24 yaşlı yarımmüdafiəçisi "Nasional"a vurduğu qoldan sonra "Facebook" sosial şəbəkəsindəki səhifəsində maltalı komanda yoldaşı Andre Şembri ilə fotosunu paylaşıb.
Mahmudovun ilk qolu ilə bağlı fikirləri belə olub: "Mən və Şembri. Əla ötürməyə görə təşəkkürlər. İlk qol və qələbə".
Şembri Malta millisinin heyətində ötən seçmə mərhələdə Azərbaycan yığması ilə hər 2 matçda oynayıb. Ancaq millimizin baş məşqçisi Robert Prosineçki Mahmudovu həmin vaxt çağırmadığından, Andre ilə meydanda rəqib olmayıblar. 30 yaşlı maltalı hücumçu "Boavişta"da millimizin digər üzvü, qapıçı Kamran Ağayevə qarşı oynayıb.
Xatırladaq ki, "Boavişta"da ilk dəfə start heyətdə meydana çıxan Emin 11-ci dəqiqədə hesabı açmaqla komandasının 2:0 hesablı səfər qələbəsində böyük rol oynayıb.
