Türkiyənin "Beşiktaş" klubunun yeni transferi Ryan Babel komandasına qovuşmaq üzrədir. Sportnet.az-ın məlumatına görə, artıq hollandiyalı futbolçu İstanbula ayaq basıb.
Babel bu gün tibbi müayinədən keçəcək. Bazar ertəsi isə tərəflər 2.5 illik müqaviləyə qol çəkəcək. Babel "Beşiktaş"da 49 nömrəli futbolka ilə çıxış edəcək.
Qeyd edək ki, Ryan Babel "Deportivo", "Kasımpaşa", "Ayaks", "Hoffenhaym", "Liverpul" kimi klublarda top qovub.
