"Bu sözləri məni son üç ayda daim təəccübləndirən "Neftçi" haqda ən gözəl hisslərlə yazıram. Məni orada qəbul edən və özümü evimdəki kimi hiss etməyim üçün əlindən gələni edən hər kəsə minnətdaram". Sportnet.az-ın məlumatına görə, bunu "Neftçi"nin sabiq futbolçusu Jonas Pessalli sosial şəbəkədəki şəxsi hesabında yazıb.
O, Bakı klubunda gördüyü etimaddan dolayı təşəkkürünü bildirib: "Rəhbərliyə və məşqçilərə, göstərdikləri etimada və hörmətə görə çox sağ ol deyirəm. Ümid edirəm ki, sizin qapılar mənim üzümə açıqdır və "tezliklə görüşənədək” deyə bilərəm. Karyeramın hazırkı mərhələsində - mənə göndərilən yaxşı təkliflərə, gözəl şərtlərə baxmayaraq, Avropada keçirdiyim 5 ildən sonra vətənim Braziliyaya qayıtmaq qərarına gəlmişəm. "Neftçi” azarkeşlərinə təşəkkür edirəm. Siz möhtəşəmsiniz! Azərbaycanın ən yaxşı komandasının "ağ-qara” rənglərini qoruduğum müddətdə vurduğum 4 qolu məhz sizə həsr edirəm!"
