"Qarabağ"ın baş məşqçisi Qurban Qurbanov braziliyalı futbolçuları Reynaldo Silva və Riçard Almeyda ilə bağlı açıqlama verib. Sportnet.az-ın məlumatına görə, təcrübəli mütəxəssis Reynaldonu istəyən klub olsa, danışıq aparmağa hazır olduqlarını deyib:
"Biz heç vaxt hər hansı bir futbolçumuzun başqa kluba keçməsinə mane olmamışıq. Reynaldo ilə təkcə bu il yox, hər il danışıq aparan klublar olur. Biz ən azından bəzi futbol ölkələri, bəzi klublarla iş birliyimizi möhkəmləndirmək üçün Reynaldo ilə bağlı danışıq aparmağa hazırıq. Ancaq onunla bağlı hələlik heç bir klub bizimlə danışıq aparmır".
Qurbanov Almeydaya da hər hansı klubdan təklif gəlmədiyini deyib:
"Almeydaya hər hansı bir təklif olanda hörmət əlaməti olaraq ilk növbədə mənə deyir".
Mənbə: Qol.az
