"Neftçi" "İnter"in futbolçuları Ruslan Abışovla Ağabala Ramazanovu transfer etmək fikrindədir. Sportnet.az-ın məlumatına görə, baş məşqçi Elxan Abdullayev eyni zamanda çalışdığı milli komandamızdan yaxşı tanıdığı bu 2 futbolçunun xidmətində maraqlıdır.
Hazırda keçidlə bağlı danışıqlar getsə də, bunun müsbət yekunlaşmaması Ruslanla Ağabalanın "bankirlər"lə hələ 6 aylıq müqavilələrinin olması ilə bağlıdır. "İnter"ə yeni prezidentin gəlişindən sonra sponsor dəyişikliyi, müqavilələrdə maddi şərltərə yenidən baxılacağı ilə bağlı söz-söhbətlər futbolçularda gələcək talelələri ilə bağlı narahatlıq yaradıb. Bunlara aydınlıq gəlməsi üçünsə bir qədər vaxt lazımdır. Hər şey qaydasında olarsa, Abışovla Ramazanov çempionluğa iddiası olan "İnter"də çıxışını davam etdimək fikrindədir.
Hələliksə "Neftçi"dən aldıqları sərfəli, daha cəlbedici təklifi götür-qoy edən milli üzvlərinin bu kluba keçidləri gündəmdədir. Məsələyə Yeni İlədək tam aydınlıq gələcək. Həmin vaxtadək onların "Neftçi"yə transfer olunacaqları və yaxud "İnter"də qalası olacaqları dəqiqləşəcək.
Qeyd edək ki, Ramazanovdan fərqli Abışov "Neftçi"də çıxış edib. O, yetirməsi olduğu, karyerasında ilk peşəkar klub olan "ağ-qaralar"da 6 il (2006 - 2012) çıxış edib və heyətində çempionluq, kubok qazanıb.
