"Valensiya" klubunun baş məşqçisi Çezare Prandelli istefa verib. Sportnet.az-ın məlumatına görə, İspaniya təmsilçisi rəsmi saytında yaydığı bəyanatda italiyalı mütəxəssisin vəzifəsindən getdiyini rəhbərliyə bildirdiyini təsdiqləyib. Onu Voro kimi tanınan Salvador Qonsales Marko əvəzləyəcək.
59 yaşlı Prandelli "Valensiya"da cəmi 3 ay işləyib. O, oktyabrın əvvəlində 3 illik müqavilə imzalayıb. Komanda 15 turdan sonra turnir cədvəlində 17-ci pillədə yer alıb. "Valensiya" Primeroda sonuncu qələbəsini oktyabrın ortasında qazanıb.
Qeyd edək ki, Prandelli vaxtilə İtaliya yığmasının baş məşqçisi olub.
