Azərbaycan milli komandasının futbolçusu Ramil Şeydayevin şərəfini qoruduğu "Trabzonspor" klubu növbəti transferini reallaşdırıb. Sportnet.az-ın məlumatına görə, Trabzon klubu rəsmi saytında Portuqaliya milli komandasının da üzvü olmuş sağ cinah müdafiəçisi Joao Pereyra ilə müqavilə imzaladığını açıqlayıb. Təcrübəli futbolçu artıq yeni klubu ilk məşqə də çıxıb.
Pereyra Türkiyəyə sərbəst futbolçu kimi gəldiyindən onun keçidinə görə təzminat ödənilməyib. 32 yaşlı müdafiəçinin son olaraq oynadığı "Sportinq"lə müqaviləsi bitib.
Xatırlaraq ki, "Trabzonspor" bunadək Moskva "Spartak"ın əslən türkiyəli olan müdafiəçisi, Almaniya millisinin sabiq üzvü Sərdar Taşçı ilə anlaşıb.
