"Barselona" klubu direktorlarından biri olan Pepe Qratakosu vəzifəsindən qovub. Sportnet.az-ın məlumatına görə, bu səbəb gənclərlə iş üzrə ixtisaslaşan həmin şəxsin əsas komandanın lideri Lionel Messinin ünvanına xoşagəlməz şərhidir.
Qratakos ölkə kubokunun 1/8 finalında "Atletik"ə 3:1 hesabı ilə qalib gəldikləri cavab oyunundan sonra mərhələni yalnız Messinin hesabına keçmədiklərini bildirib: "Lionel komanda üçün çox vacibdir. Ancaq Neymar, Suares, İnyesta, Pike və digər komanda yoldaşları olmadan Messi belə yaxşı futbolçu ola bilməzdi".
Direktorun bu şəxsi fikri klubun maraqları ilə üst-üstə düşmədiyindən işindən azad olunmasına qərar verilib.
Xatırladaq ki, Messi həmin matçda cərimə zərbəsindən vurduğu gözəl qolla qələbə topunun müəllifi olub.
