Azərbaycan milli komandasının hücumçusu Ramil Şeydayevin formasını geyindiyi "Trabzonspor" klubu heyətinə yeni futbolçu qatıb. Sportnet.az-ın məlumatına görə, Trabzon təmsilçisi "Akhisar Bələdiyyəspor"un hücumçusu Huqo Rodalleqanı transfer etdiyini rəsmən açıqlayıb.
32 yaşlı kolumbiyalı legionerlə 2.5 illik müqavilə imzalanıb. Huqonun müqaviləsinin pozulmasına görə keçmiş klubuna 1 milyon 600 min avro məbləğində təzminat ödəniləcək.
Rodalleqa yeni klubunda cari mövsümdə 800 min, növbəti 2 mövsümün hərəsində 1 milyon 600 min avro qazanacaq.
