"Qrupdan razı qaldım. İtaliyada keçiriləcək final mərhələsinə vəsiqə qazana bilərik". Sportnet.az-ın məlumatına görə, bunu 21 yaşadək futbolçulardan ibarət Almaniya yığmasının baş məşqçisi Stefan Kunts 2019-cu ildə keçiriləcək Avropa çempionatının seçmə qrup mərhələsi haqda danışarkən deyib.
Baş məşqçi Azərbaycan, İsrail, Norveç, İrlandiya və Kosova yığmalarının yer aldığı 5-ci qrupda maraqlı səfərlərin olacağını bildirib: "Bunlardan biri də İsraillə oyun olacaq. Sözsüz ki, idman siyasi və yaxşı tarixə malikdir. Ancaq hazırda bütün diqqətimiz 16-30 iyunda Polşada keçiriləcək final mərhələsinə yönəlib".
