Azərbaycan milli komandasının futbolçusu Ramil Şeydayev Rusiyaya qayıdır.
Sportnet.az-ın Türkiyə mətbuatına istinadən məlumatına görə, gənc hücumçunun cari mövsümdən şərəfini qoruduğu "Trabzonspor" klubu onu göndərməyə hazırlaşır.
Trabzon təmsilçisinin son olaraq Rusiya Premyer Liqa klublarından biri ilə anlaşdığı bildirilir. Türkiyə daxil olmaqla Avropada "transfer pəncərəsi" yanvarın 31-də bağlandığına görə Ramil gedə bilmir. Ancaq Rusiyada fevralın 25-dək transferlərə vaxtın olması Şeydayevin komandasının işinə yarayıb. "Trabzonspor" hücumçunun rus klubuna keçidini qarşıdakı günlərdə açıqlayacaq. Ramilin icarəyə veriləcəyi gözlənilir.
Xatırladaq ki, Şeydayev ötən yay Türkiyəyə yetirməsi olduğu "Zenit"dən gedib. O, bu ölkədə "Rubin"də də oynayıb.
